Kornische Sprache

D Kornische Sprooch (Kornisch: Kernewek oder Kernowek) isch e keltischi Sprooch wo bis zum 18. Joorhundert in Cornwall in Ängland gredet wore isch un denoo ussgstorbe isch. Langi Zyt isch d Dolly Pentreath, wu 1777 gstorben isch, as di letscht Mueterspröchleri vum Kornisch aagsäh wore. S sin aber au no andri Sprächer bekannt, wo spöter gstorbe sin. Einzelni Sprächer het s no bis in s spot 19. Johrhundert, villicht sogar bis in s frie 20. Johrhundert gää. Anne 1875 sin no sechs elteri Sprächer entdeckt wore^[2]. Dr letscht Sprächer, wu d Sproch no einermaße het chönne, isch wahrschyns dr John Davey (1812–1891) gsi^[3]. Vu andre wird dr Alison Treganning († 1906) as dr letscht Kornisch-Sprächer aaglueget^[4].

Syt em früene 20. Joorhundert wird versuecht, d Sprooch wiider als gsproocheni Sprooch z belebe, so dass Kornisch hüt in Schuele unterrichtet wird un syt 2008 unter de europäische Charta vo Regional- oder Minderheitssprooche als Regionalsprooch vo Grossbritannie annerkannt isch. Inere Studie im Joor 2000 isch ermittelt wore dass es uugfäär 300 Mensch het gää, wo d Sprooch hen chönne flüssig schwätze^[1].

Die Sprooche, wo mitem Kornische am nöggschte verwandt sin, sin s Bretonische, un s Walisische.

1. ↑ ^{1,0 1,1} Archivierte Kopie. Archiviert vom Original am 27. März 2009; abgruefen am 15. Juni 2008. 
2. ↑ Lach-Szyrma, W. S. (1875) "The Numerals in Old Cornish". In: Academy, London, 20 Mar 1875 (zitiert in Ellis, P. B. (1974) The Cornish Language, p. 127)
3. ↑ Peter Berresford Ellis 1974
4. ↑ Alison Treganning